Moji: “Zidan uchun Peresni katta mablag' sarflashga majbur qilganman”

“Yuventus” klubi sobiq bosh direktori Luchano Moji Zinedin Zidanning 2001 yilda “Yuve”dan “Real”ga ko'chib o'tish jarayoni haqida gapirdi.

“Atalanta”ga qarshi uchrashuvdan keyin Zidan bilan birga echinish xonasidan chiqdik. U “Real”ga o'tishi uchun jamoaga bosim o'tkazayotgandi. Men unga “Peresga aytib qo'y, seni hech qaerga qo'yib yubormayman” dedim. O'shanda Peres Zidan uchun o'zi mo'ljallaganidan ham ko'proq mablag' to'lashi kerakligini tushunib etgandi”, dedi Modji “Juventibus”ga bergan intervyusida.

Ayni paytda qirollik klubini boshqarayotgan Zidan o'shanda 150 milliard Italiya lirasi (73,5 million evro) evaziga “Yuventus”dan “Real”ga transfer qilingandi. “Real” safida u futbolchilik faoliyati yakuniga qadar (2006 y) to'p tepgan.