"Real" Vaskesga yangi shartnoma taklif qilmaydi. U jamoadan ketishi mumkin

Yarim himoyachi Lukas Vaskes yozda "Real"dan ketishi mumkin.

Madrid klubi o'z tarbiyalanuvchisiga yangi shartnoma taklif qilmoqchi emas. Uning amaldagi shartnomasi 2021 yilga qadar mo'ljallangan.

Vaskes yozda 29 yoshni qarshilaydi. "Real" boshqaruvchilari uning kelajagini muhokama qilish uchun mavsum yakunlangandan so'ng uchrashuv o'tkazishmoqchi.

Futbolchida ikkita variant bor - shu yozda ketish yoki yana bir mavsum "Real"da qolib, undan so'ng 2021 yilning yozida erkin agent sifatida boshqa klubga o'tish.

Vaskes joriy mavsum "qirollik klubi" tarkibida 18ta o'yinda maydonga tushib, 3ta gol va 1ta assist qayd etdi.