"Yuventus" "Real" bilan "Ayaks" futbolchisi uchun kurashga kirishdi

"Ayaks" yarim himoyachisi Donni Van de Bek bir qator klublar qiziqishiga sabab bo'lmoqda.

Futbolchiga "Manchester Yunayted" va "Inter" klublari qiziqish bildirayotgan edi, ammo Niderlandiya terma jamoasi o'yinchisi uchun bosh davogar "Real" hisoblanadi.

"Qaymoqranglilar"ga raqobat qilishga "Yuventus" tayyor, turinliklar bundan oldin Matteys De Ligtni xarid qilishgandi.

22 yoshli van de Bek joriy mavsum "Ayaks" safida barcha musobaqalarda 37ta o'yinda maydonga tushib, 10ta gol va 11ta assist qayd etgan.

O'yinchining amsterdamliklar bilan tuzgan shartnomasi 2022 yilning yoziga qadar mo'ljallangan.