"Real" Modrichga o'rinbosar izlamoqda

"Qaymoqranglilar"ning short-listidan 3 nafar futbolchi o'rin egallagan.

AS xabariga ko'ra, Madridning "Real" klubi rahbariyati jamoani tark etishi kutilayotgan 34 yoshli Luka Modrichga o'rinbosar izalashni boshlab yubordi. "Qirollik klubi" mutasaddilari Kay Xavertc ("Bayer"), Fabian Ruis ("Napoli") va Pol Pogba ("Manchester Yunayted") singari futbolchilarning ehtimoliy transfer variantini ko'rib chiqishmoqda.

Eslatib o'tamiz, avvalroq mavsum yakunida Modrichning MLS klublaridan biriga ko'chib o'tishi haqida xabarlar tarqalgandi.

Malumot uchun, xorvatiyalik futbolchi Ispaniya La Ligasining joriy mavsumida 22 o'yinda maydonga tushib, 3 bor raqiblari darvozasini ishg'ol qildi va 5 marta jamoadoshlarini golli uzatma bilan taminladi.