Nacho: "Morataga "Real"da qolishni maslahat beraman"

"Real" himoyachisi Nacho jamoa hujumchisi Alvaro Morataga jamoasini o'zgartirmaslikni maslahat beryapti.

"Real" himoyachisi Nacho jamoa hujumchisi Alvaro Morataga jamoasini o'zgartirmaslikni maslahat beryapti.

Morata madridliklar safida etarli o'yin amaliyotiga ega bo'lmayapti, mavsum davomida OAV uning boshqa klubga o'tishi haqida yozishdi.

"Men Morataga "Real"da qolishni maslahat beraman. U mening yaqin do'stim va ajoyib futbolchi. Yozgi transferlar aqldan ozdirishi mumkin. Ammo sizlarni ishontirib aytishim mumkinki, Morata men kabi "madridchi"dir. Balki bundanam ortiqroqdir, - deydi Nacho.

Ispaniyada ko'pchilik jamoa bosh murabbiyi Zinedin Zidanning Morataga nisbatan adolatsizlik qilmoqda, deb hisoblayaptilar. Morata 24 uchrashuvda maydonga tushgan, ularning 13 tasida asosiy tarkibda bo'lgan. 15 ta gol urib, 4 ta golga to'p oshirgan. EChLda 3 ta gol, mamlakat kubogida 2 ta gol urgan.