Gvardiola: "Real"ga qoyil qolaman, biz bu klubga taqlid qilishni xohlaymiz"

"Manchester Siti" bosh murabbiyi Xosep Gvardiola CHempionlar Ligasi 1/8 finali doirasidagi "Real"ga qarshi o'yindan oldin o'z fikrlarini bildirib o'tdi.

"Men bu klubga qoyil qolaman. "Real" o'yinchilari ko'p bor CHempionlar ligasi finalida o'ynashgan va ular umumiy hisobda necha bor bu musobaqada g'olib chiqishganini ham bilmayman. Bizda bu qadar CHempionlar ligasida ko'p g'oliblik yo'q.

"Real" - biz taqlid qilmoqchi bo'lgan klub. Biz o'zimizni dunyodagi eng katta va obro'li stadionda ko'rsatishimiz kerak. Biz bir necha gollar urishga harakat qilamiz", - deydi Gvardiola.

Eslatib o'tamiz, "Real" va "Manchester Siti" o'rtasidagi o'yin 26 fevral kuni o'tkaziladi.