Valverde bu mavsum "Real" chempion bo'ladi deb hisoblamoqda

"Barselona" sobiq bosh murabbiyi Ernesto Valverde LaLiga joriy mavsumidagi chempionlik kurashi haqida fikrlarini bildirdi.

Valverdening fikricha, Ispaniya chempionligini "Barselona" emas, "Real" qo'lga kiritadi.

"Madrid hozir juda kuchli. Ular ligada g'alaba qozonishga etibor qaratishgan. O'ylashimcha, ular favorit", - deya Ernestoning so'zlarini keltirdi "Cadena Cope".

Valverde 2017 yildan "Barselona"ni boshqarib kelgandi. U boshchiligida klub ikki bor Ispaniya chempioni, bir martadan Ispaniya kubogi va Superkubogi sohibi bo'lgan.

"Real" ayni paytda LaLigada peshqadamlik qilmoqda. Madridliklar "ko'k-anorranglilar"ni 3 ochkoga ortda qoldirishmoqda.