Rim klublari "Real" himoyachisi uchun kurashadi

"Real" himoyachisi Nacho Fernandes faoliyatini Italiyada davom ettirishi mumkin.

Oldinroq, xabar berilganidek futbolchiga "Roma" klubi jiddiy qiziqish bildirmoqda.

Ispaniya terma jamoasi futbolchisi uchun shuningdek "Lacio" klubi ham raqobatlashmoqda.

Nacho "Real" tarbiyalanuvchisi hisoblanadi va butun faoliyati davomida "qirollik klubi" sharafini himoya qilgan.

Futbolchi joriy mavsum La Ligada 5ta o'yinda maydonga tushib, 1ta gol urishga erishgan.