10-raqam o'z egasini kutmoqda

Kolumbiyalik futbolchi Xames Rodrigez klubni tark etganidan so'ng unda qolgan "10" raqam bo'sh qolmoqda. Bilasiz, bu raqam "Madrid" tarixida eng mashhurlardan sanaladi. Xames klubga kelganidan so'ng 1 hafta ichida jamoa uning futbolkasidan 85 mln yevro ishlab topadi.

Tarixda "Real" libosida "10" raqami ostida ko'plab mashhur futbol yulduzlari to'p surgan: Robinyo, Luish Figu, Zeedorf, Ozil, Lassana Diarra, Wesley Sneider, Mikale Laudrup, Martin Vaskez. Endilikda bu mashhur raqam kimga nasib etadi? Variantlar bor: Luka Modrich, Isko, Asensio yoki bo'lmasa klubga kelishi kutilayotgan futbolchilar Kilian Mbappe va Dani Sebalyosdan biri.

Eslatib o'tamiz, Luka Modrich, Isko va Marko Asensio o'z terma jamoalarida aynan 10-raqamda to'p surishadi.