Eriksen "Real"ga o'tishni juda xohlagan, ammo bu transferga Zidan yo'l qo'ymagan

Yarim himoyachi Kristian Eriksen nega Madridga emas Milan shahriga yo'l olgani malum bo'ldi.

As nashrining xabar berishicha, "Qirollik klubi" ustozi Zinedin Zidan 27-yoshli daniyalikning transferiga to'sqinlik qilgan. Malumotlarga qaraganda, Eriksen yozda "Real" bilan shartnoma shartlari borasida kelishib olgandi va oxirgi soniyagacha Madrid klubi rahbariyati bosh murabbiyni ko'ndirishiga umid qildi, lekin amalda bunday bo'lib chiqmadi.

Eslatib o'tamiz, yozda Eriksenni "Manchester Yunayted" o'z tarkibida ko'rishni istayotgandi va bu transfer oynasi yopilishiga bir necha soat qolganda amalga oshishi mumkin bo'lgan. Ammo ikki sabab: Eriksen shaxsiy sabablariga ko'ra ortiq Angliyada yashashni istamagan va "Real Madrid"da faoliyatini davom ettirishni istagani tufayli daniyalik "qizil iblislar" safiga qo'shilmagan.