"Bavariya" Xamesni sotib oladimi?

Kolumbiya sport telekanali  Deportes de Caracol  direktori Xaver Ernandes Bonetta, "Madrid" yarimhimoyachisi Xames Rodrigezga "Bavariya" ustozi Karlo Anchelotti qiziqayotganini bildirib o'tdi.

Oldinroq xabar berilganidek Xames AQSH turnesiga bormoqchi emas va tezroq klubni tark etmoqchi. Xames uchun hozirda "Bavariya"dan tashqari "MYU", "Chelsi" va "PSJ" klublari ham qiziqish bildirmoqda. Ammo Xames tanlovda Anchelottini ham tanlashi mumkin. Bilasiz, 25 yoshli futbolchi Karlo davrida gullab yashnagan edi.

Ma'lumot uchun, Xames Anchelotti qo'l ostida ilk mavsumda 46 ta o'yinda 17 ta gol va 18 ta golga assistentlik qilgan. Italiyalik mutaxasis jamoani tark etganidan so'ng 2015/16-yilgi mavsumda 8 ta gol va 10 ta golga assist, ushbu mavsumda esa 11 ta gol va 13 ta golga assistentlik qildi.