Zidan “Valensiya” ustidan qozonilgan g'alabadan so'ng nimalar dedi?

“Real” ustozi Ispaniya Superkubogi yarim final bahsidan so'ng fikrlari bilan bo'lishdi.

“Biz g'alaba uchun maydonga tushamiz. Haqli va ijobiy natija. Xursandmiz. O'yinning har bir jihatidan mamnunman. O'z o'yin sifatimizni namoyish etdik. “Valensiya” — kuchli raqib. Ammo biz uni imkoniyatlardan bebahra qoldira oldik. Endi esa finalga tayyorgarlik ko'rishimiz lozim. Bu eng boshidan zo'r kecha edi. Biz baxtlimiz, “Real” finalda. “Real” vingerlarsiz harakat qildi va bu o'xshadi. Bizda resurslar ko'p va ularning hammasi ajoyib odamlar. Kroos va Modrichning gollari hammasini isbotlab turibdi”, — deydi Zidan.