“Real” so'nggi 3 yillikdagi eng yaxshi natijasini qayd etmoqda

Madrid klubi Ispaniya Superkubogi yarim finali doirasida “Valensiya”ni 3:1 hisobida mag'lub etdi.

Natijada Zinedin Zidan jamoasining mag'lubiyatsiz o'yinlar seriyasi 15 ta o'yinga etdi. “Real” ushbu bahslarning 10 tasida g'alaba qozongan, 5 tasida esa durang qayd etgan. So'nggi bor “Real” 2019 yil 19 oktyabrida “Malorka”ga 0:1 hisobida mag'lub bo'lgandi.

Bu hozircha 2017 yil qayd etilgan rekordan so'ng eng yaxshi natija bo'lib turibdi. 2016 yil aprelidan 2017 yil yanvariga qadar Zidan jamoasi 40 ta o'yinni mag'lubiyatsiz o'tkazgandi.