Karvaxal "Barselona" murabbiyi haqida: "Istasa borib "jaloba" qilsin"

"Real" himoyachisi Daniel Karvaxal "Valensiya"ga qarshi Ispaniya Superkubogi yarim final bahsidan (3:1) so'ng "Barselona" ustozi Ernesto Valverdening so'zlari haqida gapirdi.

Oldinroq, Valverde Ispaniya Superkubogining avvalgi formati yaxshiroq ekanligi haqida gapirgan edi.

"Istasa borib "jaloba" bersin. Bu erda (Saudiya Arabistoni) hammasi boshqacha, atmosfera ham.

Bir necha marotaba avgustdagi Superkubokda o'ynaganman va odamlar tatil tufayli bu bahsni o'tkazib yuborishardi" - deydi Karvaxal.

Eslatib o'tamiz, joriy mavsumdan boshlab Ispaniya Superkubogida 4ta jamoa ishtirok etadigan bo'ldi. Turnirning avvalgi formati bo'yicha musobaqada Ispaniya chempioni va mamlakat Kubogi sohibi yoki finalchisi ishtirok etishi kerak edi.