"Liverpul" sobiq darvozaboni: "Real"ni tang ahvolga tushirib qo'ya olishimizni isbotladik, nima uchun buni uyda takrorlamasligimiz kerak?"

"Bryugge" darvozaboni Simon Minole CHempionlar ligasi guruh bosqichi 6-turidan o'rin olgan "Real"ga qarshi uchrashuvdan oldin o'z fikrlarini bildirib o'tdi.

"Ikkinchi o'rin uchun kurashmayotganimiz achinarli, lekin Evrokuboklarda ancha yuksaldik. Hozir Yangi yildan so'ng ham Evrokuboklardagi ishtirokimizni kafolatlab qo'yishimiz kerak va buning uchun jang qilmoqchimiz. "Real" kuchli jamoaligini bilamiz, ammo Parijda nimalar bo'layotgan ekan, deya havotirga tushib o'tirishni istamaymiz. Real"ni tang ahvolga tushirib qo'ya olishimizni isbotladik, nima uchun buni uyda takrorlamasligimiz kerak?", - deydi Minole.

Qayd etish kerak, ayni vaqtda "Bryugge" (3 ochko) va "Galatasaray" (2 ochko) klublari Evropa ligasi uchun kurashishmoqda.

Eslatib o'tamiz, "Bryugge" va "Real" jamoalarining "Santyago Bernabeu"da o'tkazilgan o'yini 2:2 hisobida yakuniga etgandi.

P.S. Simon Minole o'tgan mavsum "Liverpul" bilan CHempionlar ligasida zafar quchganini yaxshi eslasangiz kerak.