Yuklab olish«Real» bosh murabbiyi Zayniddin Zidan jamoa yarim himoyachisi Xames Rodrigesning xizmatiga ehtiyoj sezmayapti. Bu haqda AS nashri xabar tarqatdi.
Manbaga ko'ra, frantsiyalik mutaxassis «Qirollik klubi» rahbariyatidan Xames bo'yicha tushayotgan takliflarni o'rganish mumkinligini aytgan. Madridliklar «Betis» yarim himoyachisi Daniel Sebalosni sotib olayotgani uchun ham Xamesni boshqa jamoaga qo'yib yuborishlari mumkin.
Yakunlangan mavsum davomida Rodriges etarli o'yin amaliyotiga ega bo'lmagani uchun jamoani tark etish niyatida ekani borasida xabarlar tarqalgandi. U Ispaniya chempionatining 22ta o'yinida maydonga tushgan bo'lsa, shundan 13tasini boshlang'ich tarkibda boshlagan xolos. Kolumbiyalik futbolchi bu o'yinlarda 8ta gol urdi va 6ta golga uzatma berdi.
Online
Bosh sahifaga