"Barselona" va "Real" franciyalik futbolchi uchun raqobatlashishadi

"Barselona" skautlari faol tarzda "Renn" yarim himoyachisi Eduardo Kamavingani kuzatishmoqda.

Oldinroq, "qizil-qoralar"ning 16 yoshli futbolchisini "Real" o'z safiga qo'shib olmoqchiligi borasida xabar berilgan edi.

Xabarlarga ko'ra, ispan grandlari yozda o'yinchini sotib olishga harakat qilishadi.

Futbolchining "Renn" bilan tuzgan shartnomasi 2022 yilga qadar mo'ljallangan.

Kamavinganing narxi 4 million evroni tashkil etmoqda. U joriy mavsum jamoasining barcha o'yinlarida maydonga tushdi.