"PSJ" Mbappega "Real"dan ko'ra 2 barobar ko'p maosh taklif etmoqda

"PSJ" "Monako" hujumchisi Kilian Mbappeni sotib olish niyati jiddiy.

Telecinco telekanali ma'lumotiga ko'ra Parij klubi Mbappega soliqlardan tashqari "Real"nikidan 2 barobar ko'p maosh taklif etmoqda. Hozirda "Real" Mbappe uchun barcha soliqlardan tashqari yiliga 6 mln yevro taklif etmoqda, "PSJ" esa - 12 mln yevro. Shuni ham aytib o'tish kerakki Ispaniya va Fransiyada daromad solig'i 45% tashkil etadi.

Mbappening otasi va agenti ham o'g'lini "PSJ"ga o'tishiga qarshi emas, shu sababli "PSJ" prezidenti Nasir Al-Xelayfi bilan futbolchining otasi allaqachon uchrashuv o'tkazishgan. Futbolchining o'zi esa hali kelajagiga oydinlik kiritib olmadi.