Beyl Ronaldoga etib oldi

“Real” vingeri La Liga 3-turidan o'rin olgan “Vilyarreal”ga qarshi bahsda dublga erishdi.

Bu uelslik futbolchining Madrid klubi safidagi 103 hamda 104-gollari bo'ldi. Natijada Garet “Real” safida 104 ta gol urgan braziliyalik Ronaldoga etib oldi. Ronaldo va Beyl ayni damda “Real”ning legionerlar to'purarlari ro'yxatida 7-o'rinni bo'lishib turibdi. 6-o'rinda 121 ta gol bilan Gonsalo Iguain borayotgan bo'lsa, bu borada 1-o'rin 450 ta gol urgan Krishtianu Ronalduga tegishli.