Madridning "Real" klubi hujumchisi Alvaro Morataning otasi va agenti Xuanma Lopes "Qirollik klubi" vakillari bilan uchrashuv o'tkazdi, bu haqida AS nashri xabar beradi.
Agent "Manchester Yunayted" Morata bilan muzokara o'tkazganini "Real" rahbarlariga ma'lum qildi. Ammo "Qirollik klubi" o'z hujumchisini 80 mln yevrodan kamiga sotmoqchi emas, mankunianliklar esa Morata uchun bu summa to'lay olmasliklarini ma'lum qilgan.
Jamoa bosh murabbiyi Zinedin Zidan Morataga ushbu mavsumda ko'proq o'yin amaliyoti va'da qilayotgan bo'lsada hujumchi qarorini o'zgartirmoqchi emas. Sababi Zidan Alvaro "Yuventus"dan "Real"ga o'tganda ham shunday va'da orqali Moratani klubda olib qolgan edi. Natijada hujumchi jamoada eng kam o'yin o'tkazgan 5-futbolchiga aylandi.
Online
Bosh sahifaga