Yuklab olish«Real» bosh murabbiyi Santyago Solari «Barselona»ga qarshi bo'lib o'tgan o'yin (0:1) borasida o'z fikrlari bilan o'rtoqlashdi.
— Biz o'yin davomida turli uslublarni qo'llab ko'rdik, taslim bo'lmadik. Bu har ikkala jamoa uchun og'ir va jiddiy o'yin bo'ldi. Bunday o'yinsiz g'alabaga erishish qiyin.
Qo'limizdan kelgan barcha ish qildik, hujumkor o'yin namoyish qildik. Bizga faqat gol etishmadi. Raqib darvozasi tomon 20ta zarba berdik.
— Gollar ura olmayotganingiz uchun xafsalangiz pir bo'ldimi?
— Ishlashda davom etishimiz kerakligini, ba'zi jihatlar bo'yicha o'yinimizni yaxshilashimiz lozimligini his qilyapman.
— «Real»da sovrin qo'lga kiritish uchun bitta imkoniyat qoldimi? Bu — Evropa chempionlar ligasi.
— Nima uchun bitta?
— Ha, matematik jihatdan La ligada hali imkoniyat bor...
— Shubhasiz, 12 ochko — katta farq, lekin biz taslim bo'lmaymiz. Boisi, oxirigacha kurashishiz kerak.
— Beyl ishonchingizni oqlamadimi?
— Men bunday fikrlarni istamasdim. Barcha futbolchilar harakat qilishdi. Lekin «Barselona» gol urdi, biz esa yo'q. O'yindagi farq shunda.
— Muxlislar Beylga hushtakbozlik qilib, Iskoni qo'llab-quvvatlashdi.
— Garet klub uchun ko'p ishlar qildi va barcha kabi hurmatga loyiq.
Online
Bosh sahifaga