Yuklab olish"Qirollik klubi" prezidenti Florentino Peres ma'lumot berishicha, Serxio Ramos yaqin kunlarda "Real" bilan yangi shartnoma imzolaydi. Kelishuv 2021 yilga qadar amalda bo'ladi.
Yangi shartnomada futbolchining maoshi oshiriladimi yoki yo'qmi, hozircha bu noma'lum. 31 yoshli himoyachining madridliklar bilan amaldagi shartnomasi 2019 yilning yoziga qadar tuzilgandi.
Qo'shimcha sifatida shuni ta'kidlash lozimki, Serxio Ramos "Real" afsonasi Manolo Sanchisning rekordini yangilashi mumkin. Manolo Sanchis "qaymoqranglilar" safida 18 mavsum to'p surgan. Serxio Ramos ushbu natijani yangilashi uchun 37 yoshigacha "Real"da o'ynashi lozim.
Serxio Ramos 2005 yilda "Sevilya"dan "Santyago Bernabeu"ga ko'chib o'tgandi. Bu davr mobaynida u "qaymoqranglilar" safida 522ta o'yinda maydonga tushib, 68ta gol urishga muvaffaq bo'lgan.
Online
Bosh sahifaga