Rafael Varan ikki karra jahon chempioni sifatida yilni yakunladi

Fransiyalik himoyachi uchun o'ta omadli yil.

"Real Madrid" himoyachisi Rafael Varan 2018-yilni jahon chempioni sifatida yakunladi. 25 yoshli futbolchi 2018-yilda 2 karra jahon chempioni bo'ldi. Ya'ni himoyachi yozda Fransiya terma jamoasi bilan jahon chempionligini qo'lga kiritgan edi, endi esa klublar o'rtasidagi jahon chempionatida ham zafar quchdi. Bungacha bu ko'rsatgichga Karembeu (Fransiya, 1998), Roberto Karlos (Braziliya, 2002), Sami Xedira va Toni Kroos (Germaniya, 2014) erishgan.