Joze Mourinyo Garet Beylni o'z jamoasida ko'rishni xohlamoqda

"Real Madrid" hujumkor yarimhimoyachisi Garet Beyl "Manchester Yunayted"ga o'tishi mumkin, bu haqida Angliyaning Mirror nashri xabar berib o'tadi.

Ma'lumotlarga ko'ra, Beyl Joze Mourinyo bilan shaxsiy kelishuvga erishgan, ya'ni Beyl APLga qaytmoqchi bo'lsa birinchi bo'lib "qizil iblis"lar safiga o'tishga va'da bergan. Shuningdek, Beyl "MYU" Chempionlar Ligasiga yo'llanmani qo'lga kiritsa ular bilan muzokara o'tkazishga rozi bo'lgan.

Ushbu mavsumda, Beyl barcha turnirlarda 26 o'yinda maydonga tushib 9 ta gol va 5 ta golga assistentlik qilgan. Futbolchi jarohati sabab ushbu mavsumdagi 27 ta o'yinni o'tkazib yuboradi.