Ispaniya superkubogi. Bugun «Kamp Nou»da «el-klasiko» bo'ladi

Bugun Ispaniya superkubogi doirasida dastlabki o'yin bo'lib o'tadi.

Bugun Ispaniya superkubogi doirasida dastlabki o'yin bo'lib o'tadi. «Barselona» o'z maydonida «Real»ni qabul qiladi. Xabaringiz bor, Zidan jamoasi La liga g'olibligini qo'lga kiritgan bo'lsa, Ispaniya qirollik kubogi "ko'k-anorranglilar"ga nasib etgan.

Madridliklar o'zlarining ashaddiy raqiblarini so'nggi marta 2015/16 yilgi mavsumda La liganing 31-turi doirasida bo'lib o'tgan o'yinda mag'lub etishgandi.

Ispaniya superkubogining amaldagi g'olibi «Barselona» hisoblanadi. Kataloniyaliklar o'tgan yilning avgust oyida "Sevilya" ustidan zafar quchishgandi.

Uchrashuv Toshkent vaqti bilan 01:00da boshlanadi. Javob bahsi esa 16 avgustdan 17 avgustga o'tar kechasi 02:00da bo'lib o'tadi.