Zidan va Peres bir masala ustida tortishmoqda

«Real» ustozi Zayniddin Zidan va prezident Florentino Peres yozgi transferlar rejasi bo'yicha hamfikr emas.

Don Balon xabariga ko'ra, frantsiyalik mutaxassis klub xo'jayinini «Monako» hujumchisi Kilian Mbappeni xarid qilishga chorlamoqda. Uning fikriga ko'ra, 18 yoshli futbolchi jamoaning asosiy tarkibidan joy olib, 1-raqamli hujumchiga aylanishi mumkin.

Peres bu borada o'zining fikriga ega. U Krishtianu Ronalduni hujum markaziga o'tkazib, uning o'rniga «Chelsi» yarimhimoyachisi Eden Azarni olish kerak deb hisoblamoqda.

Bahs kimning foydasiga yakun topganini yozda bilib olamiz.