Yuklab olish"Real Madrid" klubi akademiyasi va O'FA o'rtasida tuzilgan kelishuvga asosan madridlik mutaxassislar tomonidan tanlab olingan 22 nafar bola Real Madrid Foundation Clinic dasturi bo'yicha Ispaniyaning Madrid shahrida master klasslarda ishtirok etgani haqida xabar bergan edik.
Yosh futbolchilarimiz bugun, 6 oktyabr kuni Toshkentga qaytib kelishdi. Islom Karimov nomidagi “Toshkent xalqaro aeroporti”da yosh futbolchilarni O'FA mutasaddilari, ota-onalar va OAV xodimlari kutib olishdi. Kutib olish marosimiga yig'ilganlar bu kabi imkoniyat o'zbek futboli tarixida ilk marta futbolchilar uchun yaratilayotganini ta'kidlab, Madridda tajriba oshirgan futbolchilar kelajakda terma jamoalarimiz uchun munosib nomzod bo'lib etishishlariga umid bildirishdi.
O'z o'rnida yosh futbolchilar ham ushbu imkoniyat uchun O'FA rahbariyatiga minnatdorchilik bildirib, kelgusida ularga bildirilgan ishonchni oqlash uchun qo'ldan kelgancha harakat qilishga va'da berib o'tishdi.
Online
Bosh sahifaga