Yuklab olish«Real» yarim himoyachisi Luka Modrich Xorvatiyada 2016/17 yilgi mavsumning eng yaxshi futbolchisi deb topildi. Futbolchi xorvatiyalik murabbiylar o'rtasida o'rtasida o'tkazilgan so'rovnomada g'olib chiqdi. Modrich ketma-ket beshinchi marta sovringa ega chiqmoqda.
«Boshqa futbolchilar va murabbiylar tomonidan tan olinish men uchun katta ahamiyatga ega. Ayniqsa, Manjukich, Perishich yoki Subashich kabi katta hurmatga ega bo'lgan futbolchilar bilan raqobatda g'olib chiqish yoqimli bo'ldi. Ular ham katta klublar safida o'ynashmoqda.
Chempionlar ligasida g'olib chiqish hissiyoti — juda ajoyib. Men esa "Real" vakili ekanimdan faxrlanishimni aytishim mumkin. Bu futbol tarixidagi eng buyuk klublardan biri. Chempionlar ligasida g'oliblikni himoya qilish — haqiqatan g'aroyib natija. Shunday o'ynashda davom etamiz. "Real" eng yaxshi bo'lishni istaydi», — dedi Modrich Xorvatiya futbol ittifoqi saytiga bergan intervyusida.
Online
Bosh sahifaga