Yuklab olish«Liverpul» hujumchisi Muhammad Saloh Evropa chempionlar ligasi final bahsi oldidan ro'za tutmayapti. Bu haqda jamoa fizioterapevti Ruben Pons xabar tarqatdi.
«Marbeledagi yig'in davomida Saloh ro'za tutib keldi. O'yindan bir kun oldin — juma kuni va final bahsi kuni u ro'za tutmaydi. Ro'za uning jismoniy holatiga ta'sir ko'rsatmaydi», – dedi Pons.
Dastlab misrlik futbolchi Ramazon oyi ro'zasini to'liq tutishni rejalashtirgandi. Keyin esa qarorini o'zgartirdi. Final o'yinidan keyin u ro'zasini davom ettiradi.
Shu bilan birga Islom shariatida safarga chiqqan odam ro'za tutmaslik uchun ruxsat berilgan. Ramazon oyida keyin u qazosini tutib beradi.
Eslatib o'tamiz, «Liverpul» va «Real» o'rtasidagi EChL final bahsi bugun, 26 may kuni soat 23:45da boshlanadi.
Online
Bosh sahifaga