Portugaliya terma jamoasi jahon chempionatiga borishi mumkin bo'lgan kengaytirilgan tarkibni e'lon qildi

Portugaliya terma jamoasi ustozi Fernandu Santush JCH-2018 baxslarida maydonga tushishi mumkin bo'lgan futbolchilarning kengaytirilgan variantini e'lon qildi. Hozircha kengaytirilgan tarkibdan 35 nafar futbolchi joy oldi, yakunda esa Rossiyaga 23 nafar futbolchi borishi kerak.

Darvozabonlar: Antoni Lopesh ("Lion"), Betu ("Geztepe"), Rui Patrisiu ("Sporting");

Himoyachilar: Antunesh ("Xetafe"), Brunu Alvesh ("Reyndjers"), Sedrik Soaresh ("Sautgempton"), Joau Kanselu ("Inter"), Joze Fonte ("Dalyan Ifan"), Luish Netu ("Fenerbaxche"), Mariu Rui ("Napoli"), Nelson Semedu ("Barselona"), Pepe ("Beshiktash"), Rafayel Gerreyru ("Borussiya" Dortmund), Rikardu Pereyra ("Portu"), Rolandu ("Marsel"), Ruben Diash ("Benfika");

Yarimhimoyachilar: Adriyen Silva ("Lester"), Andre Gomesh ("Barselona"), Brunu Fernandesh, Vilyam Karvalyo, Jelson Martinsh (uchchalasi - "Sporting"), Joau Mario ("Vest Xem"), Joau Moutinyo,  Roni Lopesh  (ikkalasi - "Monako"), Manuel Fernandesh ("Lokomotiv"), Ruben Nevesh ("Vulverxempton"), Serjiu Oliveyra ("Portu"), Bernardo Silva ("Manchester Siti"), Gonsalu Gedesh ("Valensiya"), Nani ("Latsio"), Kuarejma ("Beshiktash"), 

Hujumchilar: Andre Silva ("Milan"), Krishtianu Ronaldu ("Real"), Eder ("Lokomotiv"), Paulinyo ("Braga").

Eslatib o'tamiz, amaldagi Yevropa chempionlari guruhda Eron, Marokash va Ispaniyaga qarshi kuch sinashadi. Jahon chempionatiga boradigan yakuniy tarkib esa 17-may kuni e'lon qilinadi.

Bobojonov