Xaynkes: Shaxsan mening nazarimda favorit yo'q

"Bavariya" ustozi Yupp Xaynkes "Real"ga qarshi o'yin oldidan press-konferensiyada ishtirok etdi.

"Bu yarimfinalda ikkita Chempionlar Ligasida boy tarixga ega jamoalar to'qnash kelmoqda. Favorit yo'q. Xa, "Real" so'nggi ikkita Chempionlar Ligasida zafar quchdi, ammo biz ajoyib formadamiz. Biz Bundesligada chempion bo'ldik, biz kubokda finalga yo'l oldik va endi bular orasiga Chempionlar Ligasi finalini ham ko'zladik. Shaxsan mening nazarimda favorit yo'q.

Krishtianu? Unda ajoyib karera bor. Albatta, agarda sen "Real"ning o'yinini analiz qilsang, sen bunday futbolchiga diqqat qaratasan. Biroq bizda ham Lewandowski bor bor, u mavsum davomida 39 ta gol kiritdi. 

Men bosh hakam Ko'ypersdan xavotirda emasman. Men o'z ishimga diqqat bilan yondashaman. Bu yarimfinal, bu yerda eng yaxshi hakamlar ishlaydi. Men unga butunlay ishonaman", - deydi Xaynkes.

Bobojonov