Isko o'zini Lopetegida ko'rmoqda

Isko Ispaniya terma jamoasi murabbiyi rahbarligida formasini tiklab olmoqchi.

"Real" futbolchisi Isko Ispaniya terma jamoasini Xulen Lopetegi qo'lga olganidan so'ng uning qo'l ostida yuqori marralarni zabt etmoqda. Lopetegi Isko klubda qay xolatda bo'lishidan qat'iy nazar terma jamoada asosiy tarkibda maydonga tushirmoqda va intervyularida ham bir necha bor uni alohida maqtab o'tgan edi.

Lopetegi kelguniga qadar Fransisko terma jamoaning asosiy futbolchisi bo'lmagan, ammo jahon chempionati saralash o'yinlarda Isko o'zini yaxshi tomondan ko'rsata oldi. Xususan Italiya terma jamoasiga qarshi ikkala o'yinda ham Isko Buffon darvozasiga 2 martadan zarba yo'llagan va to'p nazoratini ispanlarda bo'lishiga eng katta xissa qo'shganlardan biri bo'lgan edi.

22-raqam egasi "qizil furiya" tarkibida so'nggi 5 ta o'yinning 3 tasida asosiy tarkibda maydonga tushdi, ammo hech qanday natijaviy ko'rsatgich qayd etmadi. Biroq Lopetegi "tiki-taka" uslubini tanlagani bois Isko bu jamoada muhim futbolchi sanaladi va murabbiy yana 25 yoshli futbolchini oldingi formasiga qaytarishi mumkin.

Bobojonov