Draksler: Pressingni uchrashuv boshidan amalga oshirishimiz kerak edi

"PSJ" yarimhimoyachisi Yulian Draksler "Real"dan uchralgan mag'lubiyatdan so'ng o'z fikrlarini bildirib o'tdi.

"Vaziyatni xis etmadik. Nima deyishni ham bilmayman. Men xayron bo'ldim va g'azabdaman. Biz hisobni tenglashtirdik, lekin bu hech narsani o'zgartirmadi. Biz presingni kuchaytirib ko'proq hujum qilishimiz kerak edi. Bitta futbolchimiz chiqib ketishiga qaramay, hisobni tenglashtirdik, ammo butun stadion bilib turgandi o'yin tizgini bizning qo'limizda emas, chunki biz intensiv o'yin ko'rsatmadik. "Real" o'ziga ishongan va xotirjamlik bilan o'ynadi. 1:3 hisobida mag'lubiyatga uchragandan so'ng biz bosimni kuchaytirib uchrashuv boshidan pressing qilishimiz zarur edi, biz esa aksi qildik shunchaki to'pni o'zimizga oshirib o'ynadik. Biz transferlarda 400 mln sarf qildik, hamma natijamizga qiziqdi va biz yakunda yana 1/8 finalda qoldik. Tarkibimizdagi barcha futbolchilar qobilyatli, ammo bizga tajriba yetishmadi. Keyinchalik bu bizga yana nima yetishmayotgani haqida o'ylab ko'rishimiz kerak", - deydi futbolchi.

Bobojonov