14 nafar Madridist joriy mavsum golli pass berishga ulgurdilar

Zinedin Zidan boshchiligidagi "Qirollik klubi" futbolchilari joriy mavsumni u qadar omadli o'tkazmayotgan bir davrda jamoaning 14 nafar futbolchisi o'z nomiga golli uzatma yozdirib qo'yishga ulgurdi.

Joriy mavsum jamoaning eng yaxshi assistent futbolchisi hozirga kelib Garet Beyl va Marselo bo'lib turibdilar. Har ikki futbolchi ham 5 marotabadan jamoadoshlariga gol bilan yakunlangan uzatmani yetkazib berganlar. Ronaldu, Isko, Kroos hamda Vaskez hisobida 4 tadan pass mavjud bo'lsa, Karvaxal hamda Asensio mazkur yo'nalishda 3 tadan ball yig'ganlar.

Benzema, Modrich, Mayoral va Teo Ernandezlar hisobida 2 tadan golli pass mavjud bo'lsa, jamoaning joriy mavsumdagi assistentlari safiga qo'shilgan Ashraf va Casemiro bittadan golga hammualliflik qilganlar.

RealBlancos