"Bernabeu" yangi futbolchini tanishtirishga xozirlanmoqda?

Madridning "Real" klubi yozgi transferlarga tayyorgarlik ko'rishni boshlab yubordi.

Jamoa prezidenti Florentino Peres har bir xarid qilingan futbolchini stadionda turib tanishtirilishini xohlamoqda va tayyorgarlik ko'rishni buyurdi. Ma'lumotlarga ko'ra, dastlabki tanishtiruv Xesus Valexo, Markos Llorente yoki Teo Ernandez bo'lishi kutilmoqda. Bilasiz, Xesus Valexo hozirda ijara asosida "Ayntraxt F" jamoasida to'p surmoqda va yozda jamoaga Pepening o'rniga qaytarilishi kutilmoqda. Shuningdek, "Alaves"da ajoyib mavsum o'tkazgan yosh umidli yarimhimoyachimiz Markos Llorente ortga qaytarilishi mumkin, balki boshqa jamoaga keyinchalik transfer qilish uchun ham o'z jamoamizga qaytariladi. Sababi, unga qishda "PSJ", "Arsenal" kabi jamoalardan qiziqish bo'lgan edi. Va eng kutilgan transfer "Atletiko Madrid"ga tegishli bo'lgan va "Alaves" klubida ajoyib mavsum o'tkazgan Teo Ernandez ham yaqin haftalar ichida "Madrid" bilan rasmiy shartnoma imzolash arafasida.