Ispaniya terma jamoasi bosh murabbiyi Marianoni terma jalb qilmoqchi ekanligini tasdiqladi

Ispaniya terma jamoasi bosh murabbiyi Xulen Lopetegi AS nashriga bergan intervyusida dominikanlik hujumchi va sobiq "Real" a'zosi Mariano Diazni terma jamoaga jalb qilish borasidagi savolga javob qaytarib o'tdi.

"Mariano Ispaniya terma jamoasida o'ynashi mumkin? Xa. U - ispaniyalik va terma jamoada to'p surishi mumkin", - deydi terma jamoa bosh murabbiyi. Ma'lumot uchun, Marianoning kelib chiqishi Dominikan Respublikasi tegishli ammo Ispaniyada tug'ilgan va ikki davlat fuqorosi hisoblanadi. 2013-yil 24-mart sanasida Mariano Dominikan Respublikasi tarkibida Gaitiga qarshi o'rotqlik o'yinda maydonga tushib gol kiritishga ham muvaffaq bo'lgan edi, biroq bu uchrashuv rasmiy o'yin sanalmagani uchun u bemalol "qizil furiya" tarkibida to'p surishi mumkin.

Eslatib o'tamiz, sobiq "madridist" "Lion" tarkibida ushbu mavsumda 19 o'yinda maydonga tushib 13 ta gol va 4 ta golga assistentlik qilgan.