PSJ klubi hujumchisi Neymarning otasi agent sifatida kelajakda o'g'lini “Real” klubiga o'tishi mumkinligini aytdi.
“Xayotda hamma narsa bo'lishi mumkin. Ba'zida istaklar juda o'zgaruvchan bo'lib qoladi. Hozircha o'g'lim PSJda, lekin 5-6 yildan so'ng nima bo'lishini bilmayman. Neymarning parijliklar bilan shartnomasi uzoq muddatga mo'ljalangan.
Sizlarda bitta yomon odat bor, kim qaerga ko'chib o'tmasin, oradan uch oy o'tib boshqa klubga ketishi mumkin kabi uydurmalarni to'qib chiqasizlar.
Bizda bir maqsad bor, u ham bo'lsa Evropadan boshqa joyga chiqmaslik. Neymarning Evropaga kelishiga qiyinchilik bilan erishdik.
Balki Neymar bir necha yildan so'ng Braziliya klublariga qaytar, masalan “Palmeyras”, “Flamengo” yoki “Santos” jamoasi a'zosiga aylanishi mumkin. Ammo bularning bari hozircha shunchaki reja xolos”, - deydi Neymarning otasi.