Pike: "Barselona" to'p nazorati orqali "Real"ni yengdi. "Yuventus" esa boshqacha o'yin ko'rsatadi

"Barselona" klubi himoyachisi Jerard Pike "Yuventus" klubiga "Real" ustidan qanday g'alaba qozonish kerakligini aytib o'tdi.

"Maydonda ikkita kuchli klub to'qnash keldi. "Yuventus" bir necha yildan beri yaxshi o'yin ko'rsatib Yevropada o'z o'rniga ega bo'lib kelmoqda. "Yuve" tarkibida buyuk futbolchi Buffon bor. U g'alabaga haqli futbolchi. Shaxsan uni "Oltin to'p"ni Lev Yashindan keyin qo'lga kiritgan darvozabon bo'lishini xohlayman. CHLdagi g'alaba uning karerasidagi birinchisi bo'lishi mumkin. Shuningdek, u yerda mening sobiq jamoadoshim Dani Alves bor. Uni ham g'alaba qozonishini xohlayman. Biz "Santiago Bernabeu"da to'p nazoratini qo'lga olganimiz oqibatida g'alaba qozondik. Shu bilan bir vaqtda qarshi hujumchilarni to'sisni ham esdan chiqarmadik. "Yuventus" esa boshqacha o'yin ko'rsatadi. Bu jamoa ko'proq himoyaga asoslanib harakat qiladi, buni ularga qarshi 2 o'yinda ham guvohi bo'ldik. Kellini, Bardzali va Bonuchchi yaxshi tayyorlangan uchlik." - deydi Pike.

Eslatib o'tamiz, futbol tarixida yagona "Oltin to'p"ni yutgan darvozabon Lev Yashin. Sobiq SSSR darvozaboni 1963-yilda bu natijaga erishgan.