"Bavariya" "Real"dan ildamroq chiqmoqchi

Milosh Kerkez "Bornmut"dagi ishonchli o'yinlari tufayli Evropadagi eng talabgir chap qanot himoyachilaridan biriga aylandi.

Yuklab olish

Milosh Kerkez "Bornmut"dagi ishonchli o'yinlari tufayli Evropadagi eng talabgir chap qanot himoyachilaridan biriga aylandi. Uning Premer-ligadagi muvaffaqiyati Evropa grandlarini ham e'tibordan chetda qoldirmadi. “Real” va “Bavariya” vengerni anchadan buyon diqqat bilan kuzatib turishibdi. Madridliklar bir necha oy oldin qiziqish bildirgan bo'lsa-da, myunxenliklar faolligi voqealar rivojini o'zgartirishi mumkin.

Ingliz klubi futbolchiga bo'lgan qiziqish ortib borayotganini tushunib turibdi va mavsum yakunlanganidan keyin uni saqlab qola olmaydi. So'nggi haftalarda muzokaralarni kuchaytirgan "Bavariya" Kerkez ularning tizimiga va o'yin falsafasiga juda mos kelishiga amin. Klub transferni ta'minlash uchun katta sarmoya kiritilishini istisno etmayapti.

Joriy mavsum Milosh Kerkez "Bornmut" safida barcha turnirlar doirasida 34 ta o'yinda maydonga tushib, 2 ta gol urdi va 6 ta golli uzatmani amalga oshirdi.

BestMaster
8 Aprel 2025, 18:00
bavariya, realdan, ildamroq, chiqmoqchi,