Ispaniyaning "Relevo" nashri Xabi Alonso va «Real» o'rtasidagi muzokaralar borasida yangi ma'lumotlar bilan bo'lishdi. Manbaga ko'ra, mutaxassis jamoada «Bayer»ning ayrim futbolchilarini ko'rishni xohlamoqda.
Bu esa «qirollik klubi» rahbariyatini qoniqtirmaydi. Madrid klubi rahbarlari nafaqat maydonda foyda keltiradigan, balki iqtisodiy jihatdan ham samarali bo'ladigan futbolchilarni sotib olishni rejalashtirmoqda.
Shu bilan birga, Karlo Anchelottining «Real»dagi kelajagi klubning Chempionlar ligasi va La Ligadagi muvaffaqiyatiga bog'liq. Faqat yutuqlar italiyalik murabbiyni iste'fodan saqlab qolishi mumkin. Manbaga ko'ra, agar Anchelotti «Real»da qolsa, Xabi Alonso «Bayer»da ishlashda davom etishdan mamnun bo'ladi.