UEFA Mbappe, Ryudiger va Sebalosga jazo tayinladi

UEFA rasmiy saytida Madridning «Real» klubi futbolchilari Kilian Mbappe, Antonio Ryudiger va Daniel Sebalosga nisbatan intizomiy ish bo'yicha qaror qabul qilingani haqida ma'lum qilindi.

Yuklab olish

UEFA rasmiy saytida Madridning «Real» klubi futbolchilari Kilian Mbappe, Antonio Ryudiger va Daniel Sebalosga nisbatan intizomiy ish bo'yicha qaror qabul qilingani haqida ma'lum qilindi. Ular avvalroq Chempionlar ligasi 1/8 finali javob bahsida «Atletiko»ga qarshi o'yinda (1:0, 4:2 pen.) nomaqbul xatti-harakatlar sodir etganlikda ayblangan edi.

Ryudiger 40 ming, Mbappe esa 30 ming evro miqdorida jarimaga tortilib, har ikki futbolchiga UEFA musobaqalarida bir o'yinlik shartli diskvalifikatsiya tayinlandi. Agar ular bir yil davomida yana shunday qoidabuzarlik qilsa, diskvalifikatsiya amalga oshiriladi.

Sebalos esa 20 ming evro miqdorida jarimaga tortildi, biroq u diskvalifikatsiya qilinmadi.

Shuningdek, UEFAning axloq va intizom inspektori mazkur uchrashuvda «Real» hujumchisi Vinisius Juniorning xatti-harakatini ham o'rgangan, biroq natijada unga nisbatan intizomiy ish ochilmadi.

Avvalroq OAVda «Atletiko» klubi «Real» futbolchilarining xatti-harakatlaridan shikoyat qilib, UEFAga videolavhalar yuborgani haqida xabar berilgan edi. Ushbu videolarda Vinisius Junior va Ryudiger raqib muxlislarini qo'zg'atuvchi ishoralar qilgani, Mbappe esa «Atletiko» futbolchilariga nisbatan haqoratomuz harakatlar ko'rsatgani aks etgan. Keyinroq UEFA mazkur futbolchilarga nisbatan intizomiy ish ochdi.

BestMaster
Kecha, 20:00
mbappe, ryudiger, sebalosga, jazo, tayinladi,