"Ayaks" himoyachisi Jorrel Xatoga Angliya Premer-ligasining etakchi klublari qiziqish bildirmoqda.
CaughtOffside nashri xabariga ko'ra, "Real"ning asosiy nishoni bo'lgan 19 yoshli himoyachining transferi bo'yicha Premer-liganing uchta vakili taklif tayyorlamoqda. Gap "Arsenal", "Liverpul" va "Chelsi" haqida ketmoqda.
Joriy mavsumda Xato barcha turnirlarda 42 ta o'yinda maydonga tushib, 3 ta gol urdi va 6 ta golli uzatmani amalga oshirdi. Xatoning "Ayaks" bilan amaldagi shartnomasi 2028 yilgacha mo'ljallangan. Transfermarkt xabariga ko'ra, himoyachi 30 million evroga baholangan.