Mbappe Rabo va uning onasi haqidagi bannerlar borasida fikr bildirdi

Kilian Mbappe Adrien Raboga qaratilgan haqoratlarga munosabat bildirdi.  

Yuklab olish

Kilian Mbappe Adrien Raboga qaratilgan haqoratlarga munosabat bildirdi.  

Liga 1ning 26-turidan o'rin olgan «PSJ» – «Marsel» (3:1) uchrashuvida parijlik muxlislar sobiq futbolchi Adrien Rabo va uning agenti hisoblangan onasi Veronikka qarshi haqoratomuz bannerlar ko'tarishdi.  

«Men Adrien bilan gaplashdim, u bu vaziyatni og'ir qabul qilmoqda. Bu oson emas. Bunday holatda bo'lish qanday ekanini ko'pchilik bilmaydi.  

Men tushunmayman. Gap faqat shu voqeaga yoki «PSJ»ga tegishli emas. «Lion»da ham Bredli [Barkolya] bilan shunday bo'lgan.  

Nega oilalar haqida gapirishadi, tushunmayman. Bu yaxshi emas va g'alati. Men shunday deb o'ylayman. Kimningdir onasi yoki otasi haqida gapirish… Agar siz yomon maqola yozsangiz, men sizning qizingiz haqida gapirmayman. Bu axmoqlik.  

Bunday holatlar tobora ko'payib bormoqda. Umid qilamanki, bu vaziyat qandaydir o'zgarishlarga sabab bo'ladi va ibrat bo'ladi. Biz bunaqalardan charchadik. Chegara bor, uni bosib o'tish kerak emas. Biz bunday holatlarni ko'rishni xohlamaymiz», – dedi «PSJ» va Frantsiya terma jamoasi hujumchisi.

BestMaster
20 Mart 2025, 07:30
mbappe, rabo, uning, onasi, haqidagi, bannerlar, borasida, fikr, bildirdi,