"Real" shanba kuni o'z muxlislarini safarda "Vilyarreal"ga qarshi erishgan g'alabasi bilan quvontirdi. Madrid jamoasi dastlab gol o'tkazib yuborgan bo'lsa-da, hujumchi Kilian Mbappening dubli evaziga 2:1 hisobida g'alaba qozondi. O'yin yakunlanganidan so'ng ko'p o'tmay, "qaymoqranglilar"ning yarim himoyachisi Jud Bellingem ijtimoiy tarmoqlarda post joyladi.
"Og'ir haftada uch o'yinda uch g'alaba. Bu jamoaning mentaliteti bilan faxrlanaman. Xalqaro tanaffusdan keyin ham bosimni davom ettiramiz!" - deya yozdi Bellingem.