La liga. «Real» Mbappening dubli evaziga «Vilyarreal» maydonida qiyin g'alabaga erishdi

Ispaniya chempionatining 28-turi doirasida «Vilyarreal» o'z maydonida «Real» klubini qabul qildi.

Yuklab olish

Ispaniya chempionatining 28-turi doirasida «Vilyarreal» o'z maydonida «Real» klubini qabul qildi. Madridliklar 3 kun ilgari "Atletiko"ga qarshi 120 daqiqa davom etgan Chempionlar ligasi bahsida katta kuch yo'qotgani sezildi.

Uchrashuvdagi hisobni esa mezbonlar ochishdi. Bahsning 7-daqiqasida Xuan Foyt "Real" darvozasini ishg'ol qildi. Tanaffusga qadar esa "Qirollik klubi" yaratilgan vaziyatlardan o'ta ustalik bilan foydalandi. Kilian Mbappe 17 va 23-daqiqalarda yo'llagan zarbalarini mezbon jamoa darvozaboni qaytara olmadi.

Ikkinchi bo'limda ustunlik to'laligicha "sariq suvosti kemasi" tomonida bo'ldi. Ular ikkinchi taymda naq 14 ta zarba yo'llashdi. Tibo Kurtua 4 ta seyv namoyish etgan bo'lsa, 10 ta zarbaga aniqlik etishmadi.

Juda ham charchab qolgan "Madrid" futbolchilari bir amallab g'alaba saqlab qolishdi va o'z hisobiga muhim 3 ochkoni qo'shib qo'yishdi.

28-tur yakunlariga ko'ra, "Vilyarreal" La Liga turnir jadvalining 5-o'rnida bormoqda va 44 ochko jamg'argan. Shuningdek, "Real Madrid" ham 28 ta o'yin o'tkazgan holda 60 ochko bilan musobaqa peshqadami bo'lib turibdi.

Ispaniya La ligasi, 28-tur
"VIL'YaRREAL" - "REAL MADRID" - 1:2
Gollar: Foyt, 7 (1:0); Mbappe, 17 (1:1); Mbappe, 23 (1:2)

BestMaster
16 Mart 2025, 01:00
liga, «real», mbappening, dubli, evaziga, «vilyarreal», maydonida, qiyin, galabaga, erishdi,