“Real” ikkita tarixiy natija qayd etdi

Madridning “Real” klubi UEFA Chempionlar Ligasi 1/8 finalida “Atletiko”ni penaltilar seriyasida mag'lub etib, chorak finalga yo'l oldi.

Yuklab olish

Madridning “Real” klubi UEFA Chempionlar Ligasi 1/8 finalida “Atletiko”ni penaltilar seriyasida mag'lub etib, chorak finalga yo'l oldi.

Javob uchrashuvida “qirollik klubi” 0:1 hisobida mag'lub bo'ldi, biroq umumiy hisobda (2:2) tenglik saqlanganligi sababli, g'olib penaltilar seriyasida aniqlandi. “Real” unda 4:2 hisobida zafar quchdi. Bu g'alaba orqali “qaymoqranglilar” ikkita tarixiy natija qayd etdi.

Squawka nashri ma'lumotiga ko'ra, “Real” Chempionlar Ligasi tarixida penaltilar seriyasida eng ko'p g'olib bo'lgan klubga aylandi. “Atletiko” ustidan qozonilgan g'alaba ularning musobaqa doirasidagi to'rtinchi penaltilar seriyasidagi g'alabasi sifatida qayd etildi.

Bundan tashqari, jurnalist Pedro Martinning xabariga ko'ra, “Real” Chempionlar Ligasi chorak finaliga 40-marta yo'l oldi va bu borada ham mutlaq rekord o'rnatdi. Undan keyingi o'rinlarda “Bavariya” (34 marta) va “Barselona” (24 marta) joylashgan.

Karlo Anchelotti shogirdlari yarim final yo'llanmasi uchun Londonning “Arsenal” klubi bilan kurash olib boradi. Ushbu bahslar 9 va 27-aprel kunlari bo'lib o'tadi.

BestMaster
13 Mart 2025, 17:30
“real”, ikkita, tarixiy, natija, qayd, etdi,