Yuklab olishUEFA juma kuni «Real Madrid»ga nisbatan Chempionlar ligasi pley-offining ikkinchi o'yinida («Manchester Siti»ga qarshi) «Santyago Bernabeu»da sodir bo'lgan hodisalar sabab sanktsiyalar joriy etilganini e'lon qildi.
Sanktsiya stadion tribunalarining qisman yopilishini o'z ichiga oladi, ammo jazo ikki yilga to'xtatib turiladi. Agar shu muddat ichida shunga o'xshash holatlar takrorlanmasa, jazo kuchga kirmaydi. Agar qoidabuzarlik yana sodir bo'lsa, «Bernabeu»ning bir qismi yopiladi. Bundan tashqari, UEFA apellyatsiya organi «Real»ga 30 000 evro jarima soldi.
UEFA rasmiy bayonotida aynan qaysi hodisa jazoga sabab bo'lgani aniq ko'rsatilmagan. Faqatgina UEFA Distsiplinar kodeksining 14.2-moddasiga ishora qilingan. Unda shunday deyiladi:
«Agar klub yoki sososlar (klubga maxsus a'zolikka ega bo'lgan muxlislar yoki investorlar) guruhi 1-bandda ko'rsatilgan harakatlarda ishtirok etsa, klub yoki guruh tribunaning qisman yopilishi bilan jazolanadi».
Mazkur moddaning 1-bandida quyidagi holat bayon qilingan:
«Agar kimdir boshqa shaxs yoki guruhning insoniy qadr-qimmatini haqorat qilsa, jumladan, teri rangi, irqi, dini, etnik kelib chiqishi, jinsi yoki jinsiy orientatsiyasi bo'yicha kamsitsa, u kamida 10 o'yinga chetlatilishi yoki belgilangan muddatga jazolanishi mumkin».
Uchrashuv davomida «Real» muxlislari tomonidan ommaviy haqoratlar qayd etilmagan, ammo Pep Gvardiolaga qarata ayrim hayqiriqlar eshitilgan. Ularda:
«O, Gvardiola, sen juda ozg'in ko'rinayapsan. Avvaliga bu narkotiklar edi. Bugun esa Chuekada sen yana ozg'in ko'rinayapsan», — deb qo'shiq aytilishgan.
Shu bilan birga, UEFA aniq qaysi holat jazoga sabab bo'lganini ochiqlamagan.
Qabul qilingan qarorga ko'ra, UEFA «Real Madrid» stadionining kamida 500 o'rinlik qismi yopilishini buyurgan. Bu cheklov klubning keyingi uy uchrashuviga taalluqli bo'ladi. Ammo bu jazo ikki yillik sinov muddati davomida to'xtatib turiladi. Agar shu davr mobaynida o'xshash hodisa takrorlansa, jazo amalga oshiriladi.
Online
Bosh sahifaga