«Real» klubi bosh murabbiyi Karlo Anchelotti hujumchi Kilian Mbappeni zaxiraga olish qaroriga izoh berdi. Frantsiyalik futbolchi «Betis»ga qarshi o'yinning 75-daqiqasida maydonni tark etdi. Madridliklar ushbu uchrashuvda kutilmaganda 1:2 hisobida mag'lub bo'ldi.
«Mbappe? U so'nggi kunlarda kamroq ishladi. Uni almashtirishga qaror qildim, muammolar yuzaga kelmasligi uchun», — dedi Anchelotti.
Bundan avval Mbappeda tish bilan bog'liq muammolar paydo bo'lgan edi. «Real» keyingi uchrashuvini 4 mart kuni o'tkazadi. Jamoa Chempionlar ligasida «Atletiko»ga qarshi bahs olib boradi.