Yuklab olish«Real» darvozaboni Andrey Lunin Ispaniya Kubogi yarim finalining birinchi bahsida «Real Sosedad»ga qarshi o'yinda (1:0) darvozasini daxlsiz saqlab, Madrid klubi darvozabonlari orasida ikki statistik yutuqqa erishdi. Bu haqda "Opta Sport" xabar berdi.
Manbaga ko'ra, Lunin ushbu o'yinda olti marta seyv amalga oshirgan, bu esa joriy mavsumda barcha musobaqalarda «Real» darvozabonlari orasida eng yaxshi natija hisoblanadi. Shuningdek, ukrainalik posbon 2013/2014 yilgi mavsumdan buyon Ispaniya Kubogidagi «quruq» o'yinlarda eng ko'p seyv qilgan «Real» darvozaboniga aylandi.
Joriy mavsumda Lunin klub tarkibida barcha musobaqalarda to'qqizta o'yinda maydonga tushib, 12 ta gol o'tkazib yuborgan. Shu bilan birga, u to'rtta uchrashuvda darvozasini daxlsiz saqlab qolgan.
Online
Bosh sahifaga