«Real» La Liga shikoyati tufayli jazolanishi mumkin

Ispaniya Futbol Federatsiyasi (RFEF) La Liga tomonidan «Real Madrid»ga qarshi berilgan shikoyatni qabul qildi.

Yuklab olish

Ispaniya Futbol Federatsiyasi (RFEF) La Liga tomonidan «Real Madrid»ga qarshi berilgan shikoyatni qabul qildi. "Qirollik klubi" hakamlik sha'niga tanqid yog'dirgani uchun La liga klubni jazolashni so'rab RFEF'ga murojaat qilgan. Bu haqda Marca nashri xabar bermoqda.  

Manbaning ma'lumotiga ko'ra, bu masala bo'yicha rasmiy ish ochilgan. Endi vakolatli huquq organi (sudya) ma'lumotlarni yig'ishi kerak. Bu jarayon ikki-uch hafta davom etishi mumkin. Shundan so'ng, sudya klubga jazo belgilaydi yoki ishni yopiq holda qoldiradi. Eng og'ir jazo sifatida moliyaviy jarima ko'zda tutilmoqda.  

«Qirollik klubi» Primeraning 22-turida «Espanol»ga (0:1) qarshi o'yindagi hakamlik bo'yicha RFEFga rasmiy shikoyat yo'llagan. Unda klub Ispaniyadagi hakamlik tizimini to'liq isloh qilish zarurligini ta'kidlagan.

BestMaster
25 Fevral 2025, 23:00
«real», liga, shikoyati, tufayli, jazolanishi, mumkin,